Искршена кладилницата „Џокер“ во Кичево

Нервозен обложувач синоќа предизвикал инцидент во спортската кладилница „Џокер“ во Кичево.

Триесет и две годишниот Н.А. од Кичево, по подолгото присуство во објектот побеснел и почнал да крши.

Со бејзбол палка скршил три LCD телевизори, плафонски лустери, излогно стакло и стакло од влезна врата со што предизвикал чувство на несигурност и страв врз вработените и присутните гости во обложувалницата, а потоа се дал во бегство.

Се преземаат мерки за целосно расчистување на случајот и пронаоѓање на сторителот.