Четврти по ред Тениски турнир „Кичево Опен 2013“

Категории: Кичево, Слајдер, Спорт

Од вчера  стартуваше четвртиот по ред тениски турнир„ Кичево Опен 2013“.Целокупната програма какои претходните години ќе се одвива на тениските терени во СРЦ Крушино.

-По четврти пат годинава го организираме тенискиот турнир„ Кичево Опен 2013“. Како и претходните години така и годинава, на турнирот ќе има натпреварувања исклучиво во машка конкуренција, поединечно  сениори и во двојки.
Интересот е исклучително голем а за истиот до сега се пријавени над 20 тенисери во сингл конкуренција и десетина во двојки. За најдобрите во двете конкуренции предвидени се и скромни парични награди во износ од 3000 денари.Програмата ќе стартува во 16 часот а истата ќе се одвива на терените  СРЦ Крушино. Според интересот на гледачите од претходните години, очекуваме и годинава голем број љубители на белите спортови да ги проследат овие натпревари-рече Ренато Јеремоски од Тенискиот клуб Кичево, кој заедно со Љупче Мицкоски, Бехар Укали и Академијата Павловски од Битола се организатори на овој турнир.
Од клубот воедно апелираат до Агенцијата за млади и спорт, конечно и во нивниот град да ги изградат долго најавуваните тениски терени.
Текст и фото: Зоран Антоски

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: , , ,