Кучиња скитници тешко повредиле жена во Кичево

Категории: Кичево

Постара жена едвај извлекла жива глава откако на25 септември била нападната од глутница улични кучиња во близина на новата градинка „Олга Мицеска“.  Немилиот настан се случил околу 9 часот утрото. Среќа во целиот настан е што притрчале луѓе од околните куќи и успеале да ја одбранат жената, која повредена била префрлена во медицинскиот центар каде и е укажана прва помош.

Овој и неколку претходни случаи биле пријавени во ОВР Кичево и во Општина Кичево која е надлежна за решавање на проблемот со уличните кучиња.

На луѓето кои го пријавиле случајот во општинскиот инспекторат им бил даден  усмен одговор дека „тие немале што да прават“ и случајот не сакале нити да го евидентираат.

Овој не е единствен случај со кучињата скитници кои се во се’ поголем број. Проблемот е уште повеќе алармантен ако се знае дека кучињата се движат во реони каде играат и деца, како во случајов во близина на детска градинка. Зошто од општината се оглушуваат на реакциите на граѓаните, останува непознато.

Пред неколку месеци повеќе кичевчани реагираа на труење и на домашни кучиња, но од општината кусо им било соопштено доколку се чувствуваат оштетени, правдата да ја побараат на суд.

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: ,