Во Кичево пуштена во употреба нова училишна зграда

Вицепремиерот на Република Турција Емрула Ишлер, кој престојува во посета на Македонија, денеска во општина Кичево присуствуваше на пуштањето во употреба на нова училиштна зграда во општината.

Зградата е на три ката, со 12 училници и со  придружни административни објекти, а е изградена со средства од турската владина организација ТИКА.

Новиот училиштен објект, кој е во склоп на гимназијата „Мирко Милески“, го носи името „Мехмед Аки Ерсој“. Во него, наставата се одвива на турски, но и на македонски и албански јазик.

На свеченоста се обрати вицепремиерот Ишлер, кој истакна дека ваквите проекти се многу значајни, особено во образованието бидејќи младите се иднината на државата.