Митови за чоколадото

Категории: Занимливости, Магазин

cokolado

Чоколадото со години беше на листата намирници кои треба да се избегнуваат, бидејќи е штетно по здравјето, но се покажа дека повеќето од тие митови немаат врска со вистината.

Чоколадото како и сите бескрајно фини нешта, е опкружено со многу митови на кои единствена цел е да не спречат да го конзумираме, или барем така изгледа. Токму затоа тие митови треба да се разбијат и да се овозможи на луѓето без грижа на совест да јадат чоколадо.

Кога веќе спомнавме грицкање, колку пати родителите ви рекле дека чоколадото ги расипува забите? Многу пати сигурно, но тоа е чиста лага. Имено, 30 грама темно чоколадо има 7 грама шеќер, помалку од едно мало јаболко! Лажица какао во прав нема ни ронка шеќер, па вие видите…

До тинејџерските години родителите ја променија приказната, па тогаш чоколадото стана причина за појава на акни. Но, не постои апсолутно ниту еден доказ за тоа тврдење, вели дерматологот од реномираниот Универзитет Дјук, Дијана МекШејн, очигледно и самата љубителка на чоколадо. Со влезот во повозрасни години почнуваме да внимаваме на линијата и да слушаме дека чоколадото има висок процент на масти и дека затоа треба да се избегнува. Вистината е некаде во средина – 30 грама темно чоколадо има 12 грама масти, од тие 7 грама заситени, но едно лажиче какао во прав има само 1 грам масти и тоа незаситени. Поради тоа, направете си какао…

Иста количина на темно чоколадо има 19 отсто дневна доза на железо, 2,2 грама протеини, како и бакар, фосфор, магнезиум и манган, сите состојки на какаото. Покрај тоа има и 22,4 мг кофеин, така обвиненијата дека премногу кофеин не е добро, мал филџан кафе има речиси четири пати повеќе 95,5 грама.

Секако, сето ова се однесува на темното чоколадо со висок удел на какао, а не на тие чудни миксови преполни со шеќери кои ни се продаваат како чоколади. Ако јадете чоколадо, јадете добро чоколадо, тоа е се што можеме да ви препорачаме.

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: ,