На премиерата со Ренова, Напредок одигра нерешено 1:1

 

Иако сите во Кичево очекуваа воведниот првенствен натпревар против екипата на Ренова, Напредок да го реши во своја полза сепак не се остварија.
Тоа се случи поради следните три причини,  неефикасната игра на домаќините, немањето на спортска среќа и пред се поради лошата арбитража на Стојанов.
Гостите поведоа во 19 минута со голот на Емини по акцијата која се одвиваше по левата страна а искусниот Емини со одмерен удар ја затресе мрежата на Напредок.Домаќините израмнија во 75 минута со голот на нововлезениот Мојсоски, кој на најдобар можен начин го искористи проигрувањето на Цветаноски и ја затресе мрежата на Зендели. Домашниот тим може да жали зошто не ги освои трите бода, бидејќи од 67 минута имаше играч повеќе на теренот по вториот жолт картон на Фетаи.
Текст и фото: Зоран Антоски