Официјално: Проблемот со греењето и со превозот е решен, од понеделник на настава

Категории: Кичево, Слајдер

spiro21

Владата на вчерашната седница донесе одлука со која ќе биде решен проблемот во кичевските училишта, каде настава не се одржуваше поради фактот што немаше греење.

Имено, Владата обезбеди 50 тони нафта за греење и 10 тони нафта за превоз.

Како што информираше заменик-министерот на МОН, Спиро Ристоски, подготвена е и програма на кој начин ќе се дополни наставата која учениците ја пропуштија поради проблемот.

-Нафтата е доволна за следниве два месеци. Општината треба да ги почне сите подготовки кои се однесуваат на набавка на нафта за второто полугодие. На еден начин се обезбеди нафта за овие два месеци, а се обезбеди нафта и за превоз на учениците со обврска за општината. Сакам да апелирам да не се создаваат заблуди и да не се доведуваат учениците на било какви недоразбирања по однос на досегашната состојба, Бирото за развој веќе ја има подготвено програмата со која овие училишта ќе работат, рече Ристовски.

Постои можност да се подготви скратена програма за да се дополни пропуштеното. На тој начин, рече Ристовски, нема проблемот да падне на товар на учениците кои не беа виновни за тоа.

Учениците од понеделник ќе се вратат во училишните клупи.

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: , , , , , ,