Ракометарките од Кичево10 ја извојуваа втората есенска победа

Категории: Слајдер, Спорт

Во натпревар на две крајно изедначени екипи, Кичево 10 го совлада тимот на Кожувчанка со 19-18 и се реваншира за поразот од истиот противник во неговата сала.

Од самиот почеток домашната екипа го контролираше резултатот и имаше континуирано водство од 2 до 3 гола разлика, за во 50 минута да ја има највисоката предност од четири гола, која се чинеше дека ќе биде доволна и за конечен триумф. Но во самиот финиш домаќинките прокоцкаа неколку контра напади, што беше искористено од страната на штипјанки и во последната минута се влезе со нерешен резултат.

На 10 секунди пред крајот на натпреварот беше направен пенал за домаќинките, кој Ходак го претвори во конечен триумф на Кичево 10. И на овој натпревар најдобри и најефикасни во домашниот состав беа Ходак со 7 и Митаноска со 8 голови ,додека во гостинската екипа Златкоска со 8 погодоци беше најдобриот играч. Интересно е да се напомене што на ова гостување штипјанки имаа подршка од трибините , бидејќи во Кичево допатуваа голем број нивни фанови.

Зоран Антоски

Извор: http://www.sportefe.com.mk

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: , , , ,