Почнува „Агрофуд 2014“

Категории: Македонија, Слајдер

Од денеска на Скопскиот саем почнува најстарата саемска манифестација „Агрофуд 2014“. Во текот на следните неколку дена компании од Македонија, Србија, Хрватска, Словенија и за првпат од Холандија ќе ги претстават најновите достигнувања во областа на земјоделството.

Ќе бидат презентирани нови машини во земјоделската агромеханизација, разни видови вештачки ѓубрива, машини што се користат во индустријата за пакување и амбалажирање на храна и пијалоци, како и новините во конзервната индустрија, органската храна, хортикултурата….

Холандските компании кои го најавија своето учество на саемот, на изложбен простор од 100 метри квадратни ќе се претстават со линии за сортирање на овошје и зеленчук, производство на иглолисни дрва, опрема и инсталации за преработка на жито, решенија за сточна храна, ѓубрива, заштита на посеви и начини за амбалажирање цвеќе во хортикултурата и земјоделството и.т.н.

Како дел од саемската манифестација традиционално и годинава ќе бидат Федерацијата на фармери на Македонија и Здружението на земјоделци, а свој изложен простор ќе има и општина Гази Баба.

Во конгресниот центар на Скопскиот саем најавено е и одржување на трибини на кои ќе се дебатира за менаџирање на фарма преку информатичко-комуникациските технологии, за перспективите на прехранбената индустрија и за адаптацијата на земјоделството кон климатските промени.

Саемот ќе го отворат министерот за земјоделство, шумарство и водостопанство Михаил Цветков и заменик амбасадорот на Холандија, Питер Верхејн.

Организаторите очекуваат посетеност од околу 15 илјади луѓе, а саемот го гледаат како можност за започнување или продолжување на соработката на македонските компании со фирмите од регионот.

Саемот ќе биде отворен до сабота од 10 до 18 часот, а влезот е бесплатен. 

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: , , ,