Спиро Ристовски нов министер за образование, Диме Спасов за труд и социјална политика

Категории: Македонија, Слајдер

Министерот за образование и наука Панче Кралев поднесе оставка на функцијата, а претседателот на Владата до Собранието достави предлог нов прв човек во ресорот да биде Спиро Ристовски, кој досега беше министер за труд и социјална политика.

Кралев во оставката до премиерот Никола Груевски наведува дека од лични и семејни причини не е во можност целосно посветено да ги реализира проектите кои се планирани за следниот период.

Диме Спасов е предложен за нов министер за труд и социјална политика. Тој во моментот е актуелен директор на скопскиот Катастар.

За нов министер без ресор е предложен Џери Наумоф, додека на испразнетото заменичко-министерско место во локална самоуправа Ѓорѓија Сајкоски.

Заменик- министерот за локална самоуправа Сашо Лазаровски неодамна беше избран за советник во Општина Карпош, а потоа и за претседател на Советот на Општината.

Предлогот на премиерот за избор на новите министри ќе биде ставен на утрешната седница на Собранието, како дополнување на дневниот ред.

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: , , , ,