Tрадиционален Велигденски хепенинг во ОУ„ Кузман Јосифоски-Питу„-Кичево
Во предвечерието на големиот христијански празник Велигеден во холот на ОУ„ Кузман Јосифоски-Питу„Кичево традиционално на денешен ден, Велики Четврток, се организира Велигденски продажен хепенинг. Настанот започнува од 17 часот.
Штандовите ќе зашаренеат од убавите детски изработки, малите уметнички дела и ракотворби изработени со вредните раце на учениците. Ќе има и вкусни традиционални јадења што го симболизираат овој ден изработени од родителите и наставниците.
– Во холот на училиштето ќе се разлее детската насмевка, детскиот џагор, а сите ние ќе бидеме горди на се она што заедно сработивме – велат од училиштето.
Организатор на настанот се учениците, вработените во училиштето, со поддршка на Советот на родителите. Благодарение на оваа соработка Велигденскиот хепенинг во изминатите години имаше голема посетеност, а се надеваме дека и денес ќе биде така. Паричните средства што ќе бидат собрани ќе се користат за тековни потреби во училиштето.
Од училиштето ве покануваат да бидете дел од настанот и ви ги честитаат престојните Велигденски празници