Напредок ја најде Анталија под Илиница

Категории: Спорт

За разлика од повеќето македонски прволигаши, екипата на Напредок во најголем дел зимските подготовки ќе ги одработи на својот стадион во Кичево. Барем според моментната временска ситуација, сино-белите ништо не загубија во спроведувањето на задачите и воопшто нема причина да жалат што не се дислоцираа од својот стадион и по теркот на своите ривали не тргнаа за Анталија или во некое друго летувалиште.

– Во моментов воопшто не гледам никаква причина да се селиме од нашиот стадион, каде што имаме оптимални услови за работа. Времето е исклучително пријатно за подготовки, температурите се околу 10 степени и буквално кажано Анталија ја најдовме под Илиница. И во наредните денови се очекува пријатно време без снег и ниски температури, така што она што ни е потребно го имаме дома. На тој начин подготовките се одвиваат без застој, а на фудбалерите од друга страна не им е потребна дополнителна аклиматизација од долгите патувања – рече кормиларот на Напредок, Драган Бочески.

Зоран Антоски

Извор: Нова Македонија

Коментирај:

(Kicevo.Mk се оградува од сите коментари кои наведуваат на национална, расна и верска нетрпеливост)

Документарен филм посветен на судбините на членовите на првиот президиум на АСНОМ во кој влегувал и нашиот сограѓанин, Владимир Полежиноски, интелектуалец и составувач на првите документи на Асномска Македонија.

FB Analytics


Tags: , , , , , ,