За мене бермуди и три дена во Охрид (6)
Компромис е кога ќе поделиш торта на еднакви делови, а притоа секој да има чувство дека го добил најголемото парче. Но што да се прави кога се нема ама баш ништо да се подели. Е тогаш следи да се подели надеж, ладење на мозокот ……..
Серијал текстови посветени на Кичево некогаш: „Ако појдам во чаршија“ |
Тројца браќа од една од најстарите кичевски фамилии. Потребите слични, можностите никакви. Летото на прагот, секој со некакво барање после завршената школска година. Видел, не видел татко им, ги собрал и им дал алтернатива: – „Или долги пантолони, или 7 дена летување во Охрид“.
Првиот, највозрасниот кој веќе бил длабоко „инволвиран“ со излегување в корзо, посакал долги пантолони за чалам. Средниот посакал 7 дена во Охрид, оти добро го владеел пливањето (растени „Под Варош“ покрај река Темница). А најмалиот на најкопромисерски можен начин побарал: – …. „ЗА МЕНЕ БЕРМУДИ И ТРИ ДЕНА ВО ОХРИД“.