ФОТО: Пазарен ден во Кичево пред 100 години
Фотографијата (горе) е стара скоро 100 години. Сликана е за време на пазарен ден во Кичево, веројатно ден сабота во Џума маало. Се гледа Џума Џамија и убавата стара градска чешма чија вода била носена веројатно некаде од падините на Крушино да ја гаси жедта на секој добронамерник. Џума Маало е завиткано во високи крошни од столетни дрвја кои денес не постојат. Кичево раздвижено градче. Луѓе од градот, луѓе од селата кои дошле да купат, да продадат да заработат. Пазарен ден е денот кога се нуди најдоброто на тезгите. Пред одење, традиционално било да се седне во некоја меана на „по една“.
Духот на едно време замрзнат во една слика.