Иницијативен одбор на ГРОМ за Кичево
Откако синоќа беше наименуван Иницијативен одбор на партијата ГРОМ за Кичево . Се отвора патот за формирање на огранок на оваа партија и во Кичево, а тоа е најавено да се случи во месец септември , кога ќе биде избран и претседател на огранокот.
За претседател на Иницијативниот одбор беше избран Анте Трајаноски а присутните во хотелот „Унион“ ги поздрави и нејзиниот претседател Стевчо Јакимовски.
-Иако многумина мислат дека сме приврзок на една од двете големи македонски партии ВМРО-ДПМНЕ или СДСМ, сепак сите треба да знаат дека сме парттија на центарот и не сме ничии поданици. Во текот на летниот период
очекуваме значајно да порасне нашето членство во Кичево но и низ републикава, како би можеле напролет за претстојните претседателски избори да бидеме важен фактор на македонската политичка сцена – порача Јакимовски.
Текст и фото: Зоран Антоски