Кичевчанец загина во тешка сообраќајка
Едно лице загина во тешка сообраќајна несреќа што се случи рано изутрината во 3 часот на магистралниот пат Кичево-Гостивар.
Агрон С. (19) од кичевското село Поповјани на им подлегнал на повредите на самото место, додека Ј.Д. (24) од Кичево се здобил со повреди и по укажаната лекарска помош е пуштен на домашно лекување.
Несреќата се случила во момент кога Ј.Д. управувајќи патничко моторно возило „застава“ со кичевски регистарски таблици, движејќи се по магистралниот пат изгубил контрола над возилото и излетало надвор од коловозот и удрило во бетонска ограда од мост на десната страна од коловозната лента. Од ударот, патничкото возило се превртело на покривот и застанало на коловозот.
По извршено алкотестирање кај Ј.Д. утврдени се 1,01 промили алкохол во крвта.
На местото на тешката сообраќајна несреќа извршен е увид во присуство на истражен судија и јавен обвинител како и полициски екипи од полициската станица во Кичево.