Нова тепачка во Кичево, повредени две момчиња

Вчера попладне дошло до голема тепачка на ученици од ОСУ„Мирко Милевски“ и ОСУ “Дрита“.

Според информациите до кои дојде Kicevo.Mk, тепачката се случила околу 14.30 на булеварот Рудничка, во близина на гимназијата. Нападнати биле две момчиња од македонска националност од група од околу дваесетина момчиња од албанска националност.Тепачката настанала откако едно од момчињата било нападнато, а второто притрчало да го одбрани.

Двете момчиња, В.Т. и А.Р. се потешко повредени, при што едното добило скршеници на раката, а второто повреди на главата. Укажана им е лекарска помош во Медицинскиот центар Кичево.

Ова е уште една од низата физички пресметки кои изминатиот период го потресуваат Кичево, а никако да се најде начин истите да се спречат.