Кадетите на ФК Напредок редат успеси
Дека Кичево е расадник на фудбалери, покажуваат и резултатите на кадетите на Напредок кои постигнуваат одлични резултати и прикажуваат игра достојна на големи екипи. Нивни идоли се сениорите кои имаа сезона од соништата во Првата македонска фудбалска лига.
Со 5 победи (3 во гости) моментално се наоѓаат на четвртото место на табелата. Нивните настапи привлекуваат се поголемо внимание. Со играта која ја прикажуваат можеме да сметаме на многу успешни сезони за ФК Напредок кои следат допрва.
Следната утакмица која ја играат кадетите на Напредок е во сабота со почеток во 13.30 часот против екипата на ФК Порече. Претходно, во 12 часот настапува пионерската екипа исто така против ФК Порече.
Времето ќе биде одлично, дополнителен мотив за да ги проследите на градскиот стадион.