ФОТО: Стеблата од дворот на кичевската црква отидоа во историјата
Оправдано или не, но денес во кругот на црквата Св. Петар и Павле беа пресечени боровите стебла.
Иако стеблата беа доста високи, а просторот за манипулација релативно мал, сепак благодарение на умешноста на ракувачот на дигалката но и останатите лица вклучени во овој зафат, целокупната операција беше изведена со компјутерска прецизност и без никакви последици по околината. За тоа време во близина на храмот се собраа голем број љубопитни граѓани, кои беа сведоци на целокупната операција.
Но имаше и такви кои со негодување го прифатија сечењето на овие стебла, кои во дворот на црквата се засадени пред повеќе од половина век.
Текст и фото: Зоран Антоски