Тешка сообраќајка кај каменоломите под Стража, 1 загинат и четворица повредени
Еден загинат и четворица повредени е епилогот од вчерашната сообраќајка која се случила вчера околу 17:30 часот на магистралниот пат Кичево-Гостивар, во близина на каменоломите.
Во сообраќајката учествувале 2 патнички возила, „опел астра“ со дебарски регистерски ознаки и „рено меган“ со гостиварски регистерски ознаки.
Од повреди кои ги здобил во сударот, загинал гостиварчанецот Сенат П. (32) , а потешко се повредени М.М. (24) и дебарчаните Џ.А. (21) и П.Љ. (25).
Повредените итно се однесени во гостиварската општа болница.