„Трето полувреме“: SOUNDTRACK + ПОСТЕР + TRAILER, плус…

септември 14, 2012септември 14, 2012 Кичево Adio Kerida, Grgur Strujic, Jews, Kiril Dzajkovski, ladino, Macedonian, Macedonian Movie, Neta Koen, Oscar, Sasko Kocev, The Third Half, Адио Керида, Гргур Струјиќ, Дарко Митревски, Катарина Ивановска, Кино Око, Кирил Џајковски, Македонски Евреи, Нета Коен, Оскар, Сашко Коцев, трето полувреме

На официјалната страница на филмот „Трето полувреме“ на Facebook деновиве беа објавени официјалниот постер, интернационалниот трејлер на филмот и една прекрасна песна во изведба на „Баклава“ – Adio Kerida испеана на Ладино, јазикот кој го зборувале повеќето од македонските Евреи.

Филмот „Трето Полувреме“ (види официјалев web) е македонски кандидат за Оскар. Инспириран и работен според потресното сведоштво на Нета Коен, еврејка од Скопје која го преживеала холокаустот, но го загубила целото семејство. Филмот одблиску го доловува и тимот на ФК „Македонија“ кој станал шампион во тогашната фудбалска лига на Бугарија и покрај сите тешкотии кои ги трпеле за време на Втората светска Војна.

Филмот беше финансиски поддржан од Владата на Република Македонија. Неговото снимање наиде на позитивни критики во Република Македонија, но во соседна Бугарија предизвика лавина од негативна кампања која кулминираше со бојкот на неговата проекција од страна на бугарскиот амбасадор во Република Македонија.

Во филмот настапуваат Сашко Коцев, Катарина Ивановска, Раде Шербаџија, Ричард Самел, Емил Рубен и Митко С. Апостоловски. Режијата е на Дарко Митревски. Сценарио: Дарко Митревски & Гргур Струјиќ. Музиката е напишана од Кирил Џајковски.