Загина момче по судар со цистерна

Во Кичево на крстосницата од магистралниот пат и ул. „Борис Кидрич“ утринава околу 5 часот се случила сообраќајна несреќа во која загина 18-годишно момче.

Несреќата се случила помеѓу автомобил „мерцедес“ управуван од З.А.(19) од  и цистерна „мерцедес“ управувана од Ј.Ш.(46) од Кичево.

Во незгодата тешко бил повреден сопатникот од автомобилот, 18-годишниот Ваид В., кој поради сериозноста на повредите е пренесен во Ургентен центар Скопје.

Во болницата момчето им подлегнало на повредите, додека на телесно се повредени З.А. и сопатниците Л.З.(18) и Ш.И.(18) им е укажана лекарска помош во кичевската болница.