Утре ќе се одржи 27-от Охридски пливачки маратон

Уживајќи во статус на најголем спортски меѓународен настан во државата веќе 59 години, секоја година Охридскиот Пливачки Маратон ја привлекува пливачката елита од целиот свет. Оваа година на 24ти Август по 27ми пат истиот е дел од 15те маратони од листата на Светската Пливачка Федерација ФИНА како еден од најважните маратони со високо реноме.

Ќе настапуваат 30 натпреварувачи од кои 19 мажи и 11 жени и ќе пливаат на 30 километри долгата патека, почнувајќи од манастирот Св. Наум се до градското пристаниште, пропратена со 10 контролни точки. Оваа трка е претпоследна трка во серијата Open Water Grand Prix.

Како и секоја година  така и оваа генерален покровител на Охридскиот Маратон е Претседателот на Република Македонија Господинот Ѓорѓе Иванов.

Стартот на трката е закажан во стандардниот термин од 12 часот, а првите пливачи на целта се очекува да пристигнат после 17 часот, зависно временските услови.

Наградниот фонд за Охридскиот маратон што се одржува во организација на Македонската пливачка федерација изнесува десет илјади долари.

Неприкосновен победник на охридскиот маратон е бугаринот Петар Стојчев, кој има триумфирано дури 11 пати и е носител на рекордот на патеката, испливана за 5:19:30 часа. Стојчев е во Охрид, но не како пливач туку како дел од стручната придружба на нашиот маратонец Стефановски.

Охридскиот маратон е претпоследен во календарот на Гран-при серијата на Светската пливачка федерација (ФИНА). Последниот маратон од серијата ќе се плива на 1 септември на патеката Капри кај Неапол.

Пливачите кои ќе настапа се следни: